تحدث اللاعب محمد فوزي حارس فريق الكرة الأول يالنادي الإسماعيلي في تصريحات عقب مباراة الفريق أمام الإنتاج الحربي والتي انتهت بفوز الإسماعيلي بهدف نظيف عن طريق عمر الوحش .
وقال محمد فوزي “أنا بعتذر لجمهور الإسماعيلي عن أخطائي الشخصية المباريات الماضية وهما معاهم حق بكل تأكيد” .
وتابع حارس الإسماعيلي “انا كنت مضغوط جدا الفترة اللي فاتت و أخدت في ظروف صعبة ولكن مفيش أعذار” .
وأسرد “المكانة اللي احنا فيها ماتليقش بالنادي الإسماعيلي وأحنا اللي مقصرين وبنحاول نرجع جزء من مكانة الإسماعيلي مرة تانية” .
وقال “بقولها بحزن إحنا ضمنا اننا نقعد الموسم دا ولكنه موسم و عدا خلاص و سنقاتل في المباريات المتبقية” .
وتابع محمد فوزي “بنشكر اللاعبين القدامى على تدعيمنا و دا واجب عليهم الإسماعيلي هو اللي عمل جميع اللاعبين، والفريق في الوقت الحالي ملموم عن الأول” .
وأنهى حديثه قائلا “اخدنا اللي احنا عايزينه من المباراة والموسم الجاي نبني على كدة و اي حد موجود يأدي و يقاتل من أجل الفريق” .
إقرأ أيضاً