تامر حسين يعلق على تعاقد شركة روتانا مع حمو بيكا
تامر حسين

علق الشاعر تامر حسين علي اعلان شركة روتانا على إنتاج اغاني حمو بيكا ونزلوا اغاني الخاصة بيه علي قناة الخاصة بيها.

كتب الشاعر تامر حسين علي حسابه الشخصي على مواقع التواصل الاجتماعي الفيسبوك .

قائلاً”أنا لا يعنينى بالمرة شركة الإنتاج تمضى مع مين؟ دى شركات وبتدور علي ربح ومكسب أياً كان المحتوى بس حقيقى يصعب عليا إحباط أصوات طربية وناس فنانين يستاهلوا فُرص تليق بحجم موهبتهم ودراستهم الأكاديمية وخطورة الموضوع بالنسبالى انه بيولد الحقد والغِل لأن المطرب المتميز المتمكن بيحس انه ضيع سنين عمره فى دراسته أوموهبته فى الهوا دون أى تقدير لحجم الموهبة دى.

أضاف تامر حسين:” وكنت أتمنى تقدموا فرص حقيقة للشباب الموهوبين ونتكاتف عشان نطلع أم كلثوم جديدة ولا عبد الحليم جديد والا محمد عبده والا صوت جديد لا جه زيه ولا فى حد شبهه زى نجومنا الحالين اللى حفروا أساميهم بتاريخ مُشرفومش ب أركب موجة بالعكس كامل إحترامى وتقديرى للشركة وإختيارتها ول الناس اللى إختارتهم وكامل إحترامى لمُختلف الأذواق.

اختتم تامر حسين:”ولكن ده بوست للتذكير إفتكروا إن فى أصوات عظيمة محتاجه فرصة تشوف النور بيحزنوا على نفسهم لما يشوفوا الفن والقائمين ع الصناعة مُهتمين ب أشياء أخُرى.

تامر حسين
تامر حسين

اقرا ايضا

عمرو دياب بإطلالة كاجوال علي السويشال ميديا بعد فيروس كورونا